మధురోహలు నిలువెల్లా కమ్ముకున్న ఆ క్షణాన
మధుకీలలు తనువెల్లా అలుముకున్న ఆ వైనాన్న
కనులు మూద్దామంటే ...కనురెప్పల మధ్య అడ్డముగా నీవు
ఎడద తెరుద్దామంటే ...హృదయ ఫలకములో అద్దములా నీవు!
కునుకు చాటున ... ఉనికి పోవునని భీతిల్లిన ఊహాకృతి
ఉలికి పాటున ...ఎగసి పడినది సంశయపు కెరటాల రీతి
నిదుర పుచ్చి కనులు చూపే ఆ రూపం....'భౌతికం'
మెలకువకే నచ్చిమనో నేత్రం మాత్రమే చూసే ఆ స్వరూపం....'అలౌకికం' !
మనో గవాక్షపు చక్షువులు వీక్షించగలిగే ఆ ప్రేమద్వైతం
మరో లోకపు దారులు తెరిచే మహిమాన్విత మాధ్యమం
మరే రీతిన సాధ్యము కాని అందమైన అనుభవం
మహీ తలమున అంకురించిన అజరామయ భావ వృక్షం !
No comments:
Post a Comment